Tú ert farin
burtur úr hesi verð,
fyri mær er tað
eins og tú enn ert her.
Tú segði søgur,
visti so nógv
um lívið,
tess sorgir og gleðir.
Børnini vóru títt eitt og alt.
Tú skemtaði, fekk okkum at flenna,
skemtisøgur tínar spreiddu gleði.
Tú vart roynd í lívsins leiki.
Tú vart eins og blóman,
løtt og litrík.
Og eins og blóman til tíðir
er um at hokna av vindi og regni,
so vart tú tað eisini av mótgongd.
Men tú reistist, eins og hon,
tú vildi og skuldi liva,
gerast gomul,
bera sorgirnar
og læra okkum um lívið!
Nú ert tú farin,
tú vart troytt,
mett av døgum.
Endiliga hvíld,
endiliga friður,
endiliga sorgleys.
Takk, omma,
hvíl í friði.
S.
9. sept. 1998
