Narkodeildin hjá politinum hevur havt neyvt eftirlit við rúsevnum á stevnum og festivalum í summar, og hetta førdi til handtøkuna, sum varð framd uttan fyri sjálvt festivaløkið.
Tann 45 ára gamli var fyri í grundlógaravhoyri fyri afturlatnum hurðum leygardagin, og har varð hann varðhaldsfongslaður í fýra vikur, meðan málið verður kannað.
Annars hevur verið stak friðarligt um vikuskiftið – eisini, hóast túsundtals fólk hava verið savnað á Summarfestivalinum í Klaksvík.
– Nógvar uppringingar hava verið, sigur vakthavandi á Politistøðini í Havn. – Men tað hevur sum sagt verið ógvuliga friðarligt.
