Í týsku bundesliguni í hondbólti er tað skipað soleiðis, at liðini sum enda fremst og næstfremst sleppa at royna seg í Champions League, meðan liðini á endastøðunum millum trý og fimm sleppa at royna seg í EHF European League.
Elias Ellefsen á Skipagøtu og liðfelagarnir í THW Kiel tryggjaðu sær í dag í minsta lagi luttøku í EHF European League.
Kiel vann á heimavølli í Wonderino høllini í Kiel 32-27 á Göppingen. Í steðginum var Kiel á odda 17-13.
Kiel er nummar fýra við 44 stigum, og teir kunnu í ringasta føri enda á einum fimta plássi. Melsungen hevur 41 stig á fimta plássinum, og hevur spælt ein dyst fleiri enn Kiel.
Elias skoraði tvey mál og legði upp til eitt mál í sigrinum á Göppingen.
Komandi sunnudag spælir Kiel á útivølli móti Gummersbach.
Kappingin í bundesliguni endar sunnudagin 2. juni. Vikuskiftið eftir tað skal Kiel royna seg í Final Four í Champions League í Köln, har Barcelona verður mótstøðuliðið í hálvfinaluni.
Støðan í bundesliguni:
##med2##
Kelda: Soccerstand.com
