Fiskivinna
Í gjár landaðu línuskipini, Thomas Nygaard og Venus í Sørvági. Tað var landingarmiðstøðin, sum landaði skipini.
Sagt verður úr Sørvági, at Thomasa Nygaard hevði eini 45.000 pund og Venus eini 65.000 pund.
Tað var Faroe Seafood í Miðvági, sum keypti hýsuna hjá Venusi, meðan meginparturin av veiðini hjá Thomasi Nygaard fór av landinum.
Í Sørvági vænta tey, at línuskipið West Freeser kemur inn at landa mánadagin. Teir royna undir Íslandi, men enn er lítið frætt um, hvussu gingist hevur higartil á túrinum.
Siglir við laksi
Úr Sørvági frættist, at djúpvatnstrolarin Roc Amadour nú fer annan túrin av landinum við ísaðum laksi. Hetta er feskur ísaður fiskur, sum Luna hevur selt keypara í útlandinum.
Roc Amadour fer til Hetlands við fiskinum.
Líkt er ikki til, at fiskaútflytarar eru serliga væl nøgdir við sjóvegis sambandið, sum Føroyar hava vit umheimin í løtuni.
