Fyrstu 10 mánaðirnar í ár hevur vøruútflutningurin verið eina lítla milliard størri enn sama tíðarskeið í fjør. Tað upplýsir Hagstovan á heimasíðu sínari.
Um skip ikki verða íroknaði í útflutningin, hevur vøksturin verið 801 milliónir krónur. Samstundis er vøruinnflutningurin, skip ikki íroknaði, vaksin við 459 milliónum krónum.
Tað er ein stórur vøkstur í innflutningi av maskinum og amboðum, men eisini innan tilfari til byggivinnuna er stórur vøkstur, har vit hava innflutt fyri 528 milliónir, ið er 22% hægri enn í fjør.
Í útflutningi er tað serliga laksurin, ið hálar tølini upp eftir. Í tíðarskeiðinum jan-okt er útflutt fyri 2.95 milliardir krónur, ið er ein vøkstur á 32% ella 718 milliónir krónur.
Sí meira á heimasíðuni hjá Hagstovuni.
