Fyri einari løtu síðani rendi Ternan á land í Skopun. Akkurát hvat er hent og hví, veit mann ikki beint nú.
– Hon er farin á land, ja, og eg havi tosað við teir. Okkurt er hent, tá teir sigldu inn á Skopun, sigur Jóan Petur Abrahamsen frá Standferðsluni.
Har eru fólk umborð.
– Sum eg veit, er ikki nakar leki á skipinum, og tað stendur væl til umborð, sigur Jóan Petur Abrahamsen, sum ikki fær sagt nógv meira um málið beint nú.
– Vit koma við einari frágreiðing eina ferð, sigur hann.
Tað verður í løtuni arbeitt við at fáa skipið leyst.
Av tí sama er eingin sigling á leið 60 og 85 í løtuni, upplýsir Strandferðslan.
Myndirnar her eru tiknar av Ternuni í áðni.
##med2##
##med3##
##med4##
