Klokkan 14 verða fyrstu leikirnir fluttir í FM í talvi fyri einstaklingar. FM kappingin í 2017 er í Løkshøll í Runavík, har tað verður telvað hvønn dag fram til páskaaftan, tá ið síðsta umfar er á skránni.
Undanfarnu árini hevur landsliðsbólkurin verið mannaður við tíggju teimum bestu telvarunum. Soleiðis er ikki hesaferð. Tað eru fýra telvarar í landsliðsbólkinum, har allir telva ímóti øllum tvær ferðir. Fyrstu talvini í landsliðsbólkinum vera mánadagin.
-Arbeiði og ferðing eru millum orsøkirnar til, at tað hesaferð ikki eydnaðist at fleiri av teimum bestu við. Tá ið tað er sagt, so eigur at verða lagt aftrat, at tað eru fýra av teimum stinnastu, sum fara at kappast um FM, og at tað harvið verður spenningur í allar dagarnar frá mánadegnum og fram til páskaaftan, sigur Finnbjørn Vang, formaður í Talvsambandi Føroya.
Luttakararnir í landsliðsbólkinum eru Helgi Dam Ziska, John Rødgaard, Høgni Egilstoft Nielsen og Martin Poulsen.
Í dag fara teir í fyrsta bólki, almenna bólkinum og unglingabólkinum undir sínar kappingar.
Í fyrsta umfari hittast teir soleiðis í fyrsta bólki
Horatiu-Cristian Filip-Jóannes V. Hansen
Janus Skaale-Magar M. Berg
Sigurd B. Justinussen-Rógvi Mortensen
Brandur Højgaard-Heiðrikur T. Jacobsen
Ingi Wiberg-Rógvi Dragaberg
Í unglingabólkinum
Luitjen Akselsson Apol-Rógvi Mørkøre
Flóvin M. Tummasarson-Jon í Horni Nielsen
Ragnar Weihe-Suni Horni Nielsen
Elias Petersen-Bjarki Bertholdsen
Benjamin Reinert Fjallheim-Hanna Jacobsen
Í hesum bólkinum eru ellivu telvarar og Markus Jacobsen hevur frí í fyrsta umfari.
Í almenna bólkinum
Heðin Gregersen-Esbern Christiansen
Henrik Eskildsen-Sigurd Joensen
Karl M. Dahl-Helgi Joensen
Petur Páll Mikkelsen-Kaj Olsen
Mannbjørn Anthoniussen-Eyðun Lamhauge
Jákup F. Joensen-Einar Gregersen
Árant Djurhuus-Leif Reinert Fjallheim
Jógvan I. Hansen hevur frí í fyrsta umfari.
