Tað fer at taka einar fýra vikur at umvæla strandfaraskipið Dúgvuna, eftir at annar av motorunum umborð fór týsdagin.
Hetta skapar trupulleikar í samferðsluni, tí Ternan, sum røkir siglingina um Lorvíksfjørð, er ikki nøktandi og samstundis ynskt á aðari farleið.
Tí fer Strandferðslan at leita eftir einum avloysaraskipið til farleiðina um Lorvíksfjørð til Dúgvan kann fara í sigling aftur.
Tað fer at kosta pengar at leiga avloysaraskip, men landsstýrismaðurin er komin uppí málið fyri at finna eina hóskandi loysn ? eisini á fíggjarspurninginum.
Vestmannasund eisini rakt
Ternan røkir sum er leiðina um Lorvíksfjørð, men skipið klárar ikki somu ferðsluna sum Dúgvan, og tí kann tað skapa trupulleikar á farleiðini.
Samstundis er farleiðin um Vestmannasund rakt, tí Ternan er tikin úr siglingini har. Nú røkir Sam einsamallur hesa siglingina.
Dúgvan skuldi eftir ætlan í dokk í ár, og ætlanin er at gera hetta arbeiðið samstundis, sum motorskaðin verður umvældur.
