Teitur M. Gestsson spælir við HB komandi kappingarár. Hann hevur í eina tíð verið opin fyri at skifta til yrkisfótbólt uttanlands, men tað bleiv ikki til nakað hesaferð.
Les eisini: Teitur í bíðistøðu
- Eg havi spælt mær við tankan um at royna meg uttanfyri landoddarnar, men eg føldi ikki at rætti møguleikin var til staðar hesaferð, sigur Teitur M. Gestsson, sum hevur sáttmála við HB restina av 2015.
Teitur hevur verið kosin ársins málverji í føroyskum fótbólti tvey tey farnu árini. Hann hevur havt stóran týdning fyri HB.
- Eg trívist væl í HB og kenni á mær, at eg framvegis kann menna meg sum fótbóltsspælara her, sigur Teitur M. Gestsson, sum tó ikki hevur uppgivið dreymin um at spæla fótbólt uttanlands.
Les eisini: HB eyga á Símun Rógva
- Eg havi framvegis ein dreym um at royna meg uttanlands aftur, men tað bleiv ikki hesaferð, sigur Teitur, ið sum yngri flutti til Danmarkar at spæla við OB.
Tað hevur ljóðað, at HB hevði Símun Rógva Hansen kláran at taka yvir sum málverji í HB, um Teitur valdi at fara av landinum. Hetta verður so ikki neyðugt í hesum umfarinum.
