Teis, Sjúrður og liðfelagarnir megnaðu javnleik móti oddaliðnum

Greiða oddaliðið í næstbestu donsku hondbóltsdeildini, HC Midtjylland vitjaði fyrr í dag Tønder, ið er liðið hjá Teis Horn Rasmussen og Sjúrði Olsen.

Tað eydnaðist Tønder at fáa ein ógvuliga kærkomnan javnleik. Jaris Tobeler javnaði fyri Tønder til 27-27 tá ein hálvur minuttur var eftir, og so eydnaðist tað Tønder at halda heim tað sum eftir var.

Teis skoraði tvey mál fyri Tønder í dag. Í steðginum var HC Midtjylland á odda 15-12. Tønder hevði eina gylta løtu í seinna hálvleiki, har tað eydnaðist heimaliðnum at toga seg frá 22-25 til eina 26-25 leiðslu. Tá svaraði HC Midtjylland aftur við tveimum málum áðrenn Tønder javnaði til 27-27. 

Komandi sunnudag spælir Tønder móti Grindsted á útivølli.