Føroyingauppgerð var í næstbestu donsku hondbóltsdeildini í dag.
Leivur Mortensen og Odder tóku móti Teis Horn Rasmussen, Sjúrði Olsen og hinum í Tønder.
Tønder vann ein rættiliga greiðan 33-28 sigur, og fekk tvey sera týdningarmikil stig til høldar.
Teis Horn Rasmussen skoraði seks mál fyri Tønder í dag. Leivur Mortensen skoraði eitt mál fyri Odder.
Rói Berg Hansen var ikki við HØJ í dag, ið tapti greitt 30-36 (14-16) fyri Skovbakken á útivølli.
22. mars verður føroyingauppgerð í Odder, tá Leivur og liðfelagarnir taka móti Brandi Halgirssyni og hinum hjá Ajax.
Tønder spælir aftur dyst sunnudagin 26. mars. Tá kemur Skovbakken á vitjan í Tønder.
STØÐAN:
| Nr. | Lið: | Dystir | Stig |
| 1 | HC Midtjylland | 23 | 42 |
| 2 | Team Sydhavsøerne | 23 | 31 |
| 3 | Grindsted GIF | 23 | 30 |
| 4 | HØJ | 23 | 30 |
| 5 | IK Skovbakken | 23 | 26 |
| 6 | Otterup HK | 23 | 24 |
| 7 | Ajax | 22 | 21 |
| 8 | TM Tønder | 23 | 20 |
| 9 | HEI, Skæring | 23 | 18 |
| 10 | Odder | 22 | 18 |
| 11 | FIF | 22 | 16 |
| 12 | Roskilde | 21 | 15 |
| 13 | Vendsyssel | 23 | 13 |
| 14 | HC Odense | 22 | 12 |
