Teir ungu gingu undan

Hóast StÍF byrjaði betur, vendist ikki aftur, tá VÍF hevði tikið yvir. Og sigurin hjá vestmenningum kundi lættliga blivið uppaftur størri

Hilmar Jan Hansen

11.01.2010 (13:12)

<style type="text/css">  </style>   Í longri tíð hava vestmenningar næstan fingið meira burturúr at lesa støðuna á Atlantic Airways-kappingini á høvdinum, tí byrjanin hevur verið alt annað enn góð. Men nú er brádliga vent í holuni, og eftir útisigurin á StÍF í gjár, er VÍF nú næstfremst av teimum fimm liðunum, sum øll í einum stórum trunka jagstra Neistan, ið tykist vera í flokki fyri seg. Strandingar, sum hesa ferð máttu lúta, vóru annars næstfremstir undan dystinum, men teir máttu bara ásanna, at hetta ikki ordiliga var teirra dagur. Hóast teir byrjaðu betur og gingu undan fyrstu løtuna í dystinum, megnaðu teir ongantíð at svara aftur, tá VÍF hevði tikið yvir. Vestmenningar vunnu dystin við trimum málum, men sigurin kundi lættliga blivið uppaftur størri, tí bara í seinna hálvleiki vóru VÍF-arar púra leysir ímóti málinum og Marian Cirluganescu, men raktu ikki málið! Fyrri hálvleikur var annars ógvuliga skiftandi, tí hóast liðini spældu sera góðan hondbólt í løtum, var eisini hurlivasi í viðhvørt, og ikki færri enn átta útvísingar fyrstu 30 minuttirnar. Í seinna hálvleiki komu fleiri aftrat, men tá var tó ikki so heitt inni á vøllinum, fyrr enn í allarseinastu minuttunum, tá Bárður Danielsen hjá StÍF fekk beinleiðis reytt kort fyri óregluliga at steðga einum skjótálopi hjá VÍF. Bæði undir dystinum og eftir dystin vóru strandingar týðiliga ónøgdir við dómararnar, og tað kókaði næstan yvir ímóti endanum. Kanska StÍF tvørturímóti hevði hepni við sær, tí har vóru einar tvær støður fyrr í dystinum, at reyða kortið kundi verið komið fram… <o:p> </o:p> Ungar kreftir<o:p></o:p> Tær løturnar, tá allir partar fokuseraðu upp á sjálvt spælið, var tað viðhvørt ein fragd at síggja, og serliga í álopsspælinum skaraðu vestmenningar framúr, meðan StÍF hevði ilt við at finna upp á nakað annað, tá VÍF hevði valt at mansvard Cristian Preda, ið kortini gjørdist toppskjútti hjá StÍF. Tykist, sum StÍF henda dagin illa dugdi at fáa restina at rigga, tá rumenin varð tikin burturúr. Hinvegin fekk VÍF nógv at rigga í sínum álopsspæli. Í seinna hálvleiki mansvardu strandingar Sámal Joensen nokk so nógv, men tað var nú ikki bara har, at stóra hóttanin frá vestmenningum lá, men eins nógv yviri í høgru síðu, har Joen Pauli Høgnesen á bakkinum og serliga Bjarti Hansen á vonginum skaraðu framúr, umframt at Áki G. Olsen var sera eyðsýndur. Joen Pauli hevði ótakksomu uppgávuna at mansverja Preda í verjustøðu, men tað forðaði honum ikki í at brúka nógva orku í álopsspælinum, og Bjartur var fullkomuliga dominerandi inni á vonginum, umframt at hann eisini megnaði at fáa mál úr øðrum støðum. Onkra løtuna var VÍF seks mál á odda, og her var eingin ivi um, at sigurin var fult og heilt uppiborin. Sum skiltist, máttu vestmenningar vera fleiri av sínum spælarum fyriuttan í gjár, men tað sást ikki aftur á vøllinum, har teir ungu góvu eina ábending um, at VÍF skjótt kann røkka hæddunum aftur. Fyribils er tað blivið til næstfremsta plássið, sum tó er við sama stigatali sum StÍF og Kyndil, og eitt stig aftanfyri koma so H71 og KÍF.<o:p></o:p>

Teir ungu gingu undan

Mest lisið

Myndir: Sól og summar

Myndir: FM í estetiskum 2025

Til arbeiðis: Skuldi venja seg við arbeiðið á virkinum

Nú ridlar meirilutin fyri at hækka pensjónsaldurin

Myndir: EM-finala á Tórsvølli

Valur tapti eisini aðru meistaraskapsfinaluna

Stórur amerikanskur bilframleiðari gevst at selja til Kina

Mette hevur framgongd í veljarakanning

Sonni er givin í Trongisvági

Ísrael skal loyva lastbilum við barnamati inn í Gaza