Teir renna aftan á B36

Fríggjakvøldið var fyrsti dystur í øðrum triðingi í hesum kappingarárinum. Við Margáir hevði EB/Streymur vitjan av B36, sum fór suður aftur við trivaligum 3-0 sigri. Úrslitið bar við sær, at B36 er topplið – í hvussu so er til seint seinnapartin ídag.

HB, NSÍ og KÍ hava øll møguleika seinnapartin at taka B36 aftur. Hesi trý spæla øll á útivølli ídag. HB fyrireikar seg at fara inn á Skála, NSÍ skal suður á Argir, og KÍ skal spæla grannauppgerð ímóti Víkingi í Sarpugerði.

ÍF fær vitjan av TB. Fuglfirðingar stóðu seg væl betri í fyrsta triðingi av kappingini, enn tað varð roknað við, meðan tað hjá TB royndist lakari í fyrsta triðingini, enn tað varð roknað við.

Seinnapartin verður tað turt, hitin fer at liggja um 10 stig, og lotið av landnyrðingi verður einar 6 – 8 metrar um sekundið.

ÍF – TB: Kári J. á Høvdanum kl. 15.00

Víkingur – KÍ: Eiler Rasmussen kl. 15.00

Skála – HB: Bjarki Danielsen kl. 15.00

AB – NSÍ: Rúni Olsen kl. 17.00

Fríggjadagin 26. juni

EB/Streymur – B36 0-3 (0-1)

0-1: Magnus Holm Jacobsen 12.

0-2: Eli Falkvard Nielsen 65.

0-3: Árni Frederiksberg 93.

Dómari: Petur Reinert

EB/Streymur: Rói Zachariasen – Árni G. Olsen, Mikkjal Hellisá, Andras Ó. Olsen, Ragnar B. Danielsesn – Gutti Dahl-Olsen, Fannhard Skoradal (Arnbjørn Hansen, 61.), Rói H. Olsen (Hjalti Kárason Djurhuus, 46.), Símun Sólheim – Niklas T. Kruse (Teitur D. Olsen, 46.), Gestur B. Dam

Gult kort: Arnbjørn Hansen

Venjari: Jákup Martin Joensen

B36: Rói Mørk Hentze – Benjamin Heinesen, Andrias H. Eriksen, Sonni Ragnar Nattestad (Andreas Thomsen, 46.), Alex Mellemgaard – Árni Frederiksberg, Eli Falkvard Nielsen, Magnus Holm Jacobsen (Erlendur Magnusson, 72.), Meinhard E. Olsen – Sebastian Pingel, Brian Jakobsen (Stefan Radosavljevic, 60.)

Gult kort: Meinhard E. Olsen, Brian Jakobsen, Eli Falkvard Nielsen

Venjari: André Olsen (fyri leikbannaða Jákup á Borg)