1. deild menn: Hesa ferð er toppliðið á útivølli, meðan tey bæði næstu á listanum eiga heimavøll. Tað er stutt millum dystirnar í næstbestu fótbóltsdeildini. 10. umfar var Kristi Himmalferðardag, og seinnapartin í dag er 11. umfar á skránni.
Toppliðið FC Suðuroy skal longu kl. 13 spæla á ovara vølli í Gundadali, har mótstøðuliðið er næstbesta liðið hjá HB.
TB eigur heimavøll ímóti Víkingi, og AB eigur heimavøll ímóti Skála. Dysturin á Argjum er áhugaverdur, tí góða gongdin hjá skálamonnum seinastu ferðirnar hevur borið fjórða plássið við sær.
Merkisvert er tað, at tveir dystir eru á skránni í Gundadali klokkan 13. Á niðara vølli fara FC Hoyvík og NSÍ at spæla, meðan HB og FC Suðuroy spæla á ovara vølli.
EB/Streymur fær vitjan av 07 Vestur.
11. umfar
Í dag
FC Hoyvík-NSÍ: Rúni Gaardbo kl. 13.00
TB-Víkingur: Alex Troleis kl. 14.30
EB/Streymur-07 Vestur: Dia Lamhauge kl. 15.00
AB-Skála: Birgir Sondum kl. 16.00
HB-FC Suðuroy: Rói Jacobsen kl. 13.00
Støðan undan 11. umfari
FC Suðuroy 26
AB 24
TB 23
Skála 16
NSÍ 15
EB/Streymur 12
FC Hoyvík 10
HB 10
Víkingur 9
07 Vestur 0
