Team Klaksvík hevur enn ikki spælt ein dyst á heimavølli í Badmintonhøllini í Klaksvík, og kortini eru teir oddalið í Burn mansdeildini aftaná tríggjar torførar útidystir.
Í kvøld koppaðu klaksvíkingar H71 í Hoyvíkshøllini væl stuðlaðir av einari áskoðarafjøld, ið boðar frá, at hondbóltsfepur er í Klaksvík í hesum døgum.
Jens Pauli Mohr sendi bóltin í eitt opið mál til sigursmálið 29-28 tá minni enn ein hálvur minuttur var eftir av dystinum. Gjøgnum tað mesta av dystinum var H71 annars á odda, og H71 var eisini á odda 12-10 í steðginum.
Tað var avgerandi, at málverjin hjá Team Klaksvík, David Heningman hevði 14 bjargingar í dystinum.
Team Klaksvík er fremst við fimm stigum. KÍF og StÍF hava trý stig hvør.
H71-Team Klaksvík 28-29 (12-10)
Málskjúttar H71: Pauli Mittún 7, Janus Dam Djurhuus 7, Petur Krogh 4, Pætur Thomsen 4, Sakir T. Frýdal 4, Bogi Hansen 1, Sveinur Olafsson 1.
Málskjúttar Team Klaksvík: Vuk Stevanovic 7, Valentino Valentakovic 7, Jens Pauli Mohr 4, Sámal á Tjaldrafløtti 4, Beinir Johannesen 3, Vilhelm Vilhelmsen 2, Tummas Simonsen 1, Sámal Jákup Djurhuus 1.
