Útgerðin sum kringvarpið vanliga brúkar í GÍ-húsinum í Sarpugerði í Norðragøtu fór illa í eldsbrunanum hóskvøldið.
Tískil fer kringvarpið í dag klokkan 15 at siga frá dystinum millum NSÍ og ÌF við Løkin í Runavík. Annars var ætlanin, at kringvarpið skuldi siga frá dystinum millum Víking og TB í Sarpugerði.
Men tey ið ynska eina spennandi frásøgn frá dystinum millum Víking og TB verða ikki við skerdan lut.
Á heimasíðuni www.tb.fo fara teir hittinorðaðu og bersøgnu frásøgumennirnir, Niels Petersen og Helgi Eidesgaard at siga frá dystinum millum Víking og TB, sum eisini byrjar klokkan 15.
