Sandvík: Løgreglan í Suðuroy veit framvegis ikki, hvør framdi umfatandi herverk á bilar í Sandvík fyri smáum tveimum vikum síðani.
Herverk fyri nógvar túsund krónur var gjørt á fimm bilar í Sandvík. Bilarnir vóru illa skøvaðir við djúpum skøvum, og bilarnir høvdu eisini fingið onkrar stoytir.
Løgreglan í Suðuroy sigur seg einki ítøkiligt hava fingið at ganga eftir í málinum.
Tað var sera friðaligt í Sandvík hetta vikuskiftið, tí stórur dansur var á Tvøroyri, og tí tykist tað verða trupult at fáa upplýsingar.
Løgreglan sigur seg framhalandi arbeiða við málinum.
