Sunnudagin verður skipað fyri talvkapping í Kollafjarðar skúla.
Kappingin verður fyri børn, og kappast verður í minst trimum bólkum, 2. flokkur og yngri, 3.-5. flokk og 6.-9. flokk.
Verður stór luttøka, verður deilt upp í smærri bólkar.
Teir yngru bólkarnir telva uttan klokku - tó verður klokka sett inn um hetta verður mett neyðugt. Royndirnar vísa, at tey yngru hava lyndi at hugsa meir um klokkuna enn um talvið.
Tey eldru telva við 10 minuttum í part á klokkuni til hvørt talvið.
Heiðursmerki verða latin trimum teimum bestu í hvørjum aldursbólki. Harumframt fáa øll okkurt fyri luttøkuna.
Kappingin verður sum nevnt sunnudagin 26. mai og byrjað verður klokkan 14.
