Bileftirlit Føroya hevur beint fyri jól sent út tíðindaskriv við hagtølum fyri skráseting av nýggjum akførum fyri januar ? desember 2000 og 2001.
Hagtølini vísa, at talið av nýggjum persónbilum í Føroyum er vaksandi. Frá januar til desember í fjør vóru skrásettir 1298 nýggir persónbilar, meðan talið í ár liggur á 1508. Hinvegin er talið á skrásettum bilum í desember mánaða í fjør hægri enn talið fyri desember mánaða í ár. Í fjør vóru skrásettir 79 persónbilar, meðan í desember mánaða í ár vórðu 76 persónbilar skrásettir. Her er ein vøkstur uppá 210 bilar.
Eisini talið á vøruvognum og hýruvognum er vaksið síðani omanfyrinevnda tíðarskeið. Frá januar ? desember 2000 vórðu skrásettir 306 vøruvognar, meðan sama tíðarskeið í ár vórðu 337 vøruvognar skrásettir. Í fjør varð 14 hýruvognar skrásettir, meðan í ár eru 21 hýruvognar vorðnir skrásettir.
Harumframt er samlaða talið av innfluttum brúktum akførum í 2001: 500 í mun til 200: 426. Hetta gevur ein vøkstur uppá 17,4%.
Samlaða skrásetingin av nýggjum og brúktum innfluttum akførum í 2001 var sostatt 2500 akfør í mun til 2164 í ár 2000. Hetta er ein vøkstur uppá 336 akfør, tilsvarandi 15,5%.
