Takkaðu fyri seg í Klaksvík

Óroyndu uppflytararnir úr Klaks­vík spældi sín sein­asta heimadyst í hesum kappingar­árinum fríggjakvøldið. Team Klaksvík tapti aftur stórt, hesa ferð fyri StÍF. Úrslitið var 44-20.

Greiður málsetningur
Team Klaksvík hevur einki havt at spælt fyri í hes­um kapp­ingarárinum. Klaks­víkingar vistu frammanundan, at hini liðini vóru nógv betri. Málsetningurin var greiður frá byrjan. Teir eru við fyri at læra. Uppflytararnir vónaðu, men væntaðu ikki, at fáa stig í hesum kappingarárinum. Tað eydnaðist at vinna á H71. Sigurin blásti lív í mans­hondbóltin í Klaksvík, men tað var skjótt, at klaksvíkingar fingu armarnar niður aftur.
Menningin hevur hin­vegin verið stór gjøgnum kappingar­árið. Næsta vikuskiftið skal Team Klaksvík á vitjan hjá Neistanum, og tá seta upp­flyt­ar­arnir punktum fyri sínum fyrsta árið í bestu deildini. Tá byrja somuleiðis fyri­reiking­arnar til næsta kapp­ingarárið, tá klaksvíkingar ætla sær fleiri stig.