Gunnvá Tróndardóttir Joensen úr Klaksvík, sum sjálv hevur sklerosu, er glað fyri at politikkarir nú taka málið upp, hvørki føroyskir sjúklingar skulu fáa cannabis til linna.
-Eg kundi grátið. At veruliga uppliva at tey hægstu í landinum lurta, taka til sín og handla, tað er stórt. Eitt vakurt demokrati vit liva í. Hetta birtur eina vón í mær. Hetta er eitt stig á leiðini, sigur hon.
-Men eg vildi, at tað ikki bara eru tey, ið eru sera illani fyri, ið kunnu fáa henda heilivág. Cannabis skal inn fyrr í forløbinum. Tað er ikki bara linnandi, men kann virka lekjandi og til dømis steðga krabba og sklerosu. Cannabis virkar anti-inflammatoriskt, og sera nógvar sjúkur uppstanda orsaka av einum kroppi í konstantari inflammatión, leggur hon afturat hon.
-Hetta veit Jenis uttan iva alt um sum lækni. At ein trúgvandi lækni leggur hetta fram á tingsins røðarapalli kemur vónandi at hava røttu gjøgnumslagskraftina. Takk Jenis, at tú tekur hetta upp, sigur hon.
