Útvarpið hjá Kringvarpinum ferðast kring landið og tekur sálmasang upp, so Kringvarpið fær nýggjar sálmaupptøkur í savnið. Í morgin, týskvøldið 19. oktober, verður sungið í Vágs Kirkju klokkan 19:30.
Heitt verður á fólk at møta fjølment og at hava sálmabøkur við.
Kirkjuráðið bjóðar kaffi eftir sangin.
Sálmarnir eru hesir:
38- Nærri, mín Guð til tín
53- Ongum er so trygt at fara
84- Lat hurðar upp, ger borglið breið
154- Eg veit ein góðan seyðamann
163- Tá Kristus vár Guð
205- Heiður tá veri
409- So tak tá mínur hendur
522- Guð, ger meg til eitt lítið ljós
531- Guðs góðsku glað nú prísa
555- Nú skínur sólin bjarta
560- Nú dagurin at enda er
580- Slættasti sjógvur og brattastu bylgur
585- Tú alfagra land mítt
Ætlandi skuldi upptøkan gerast fyri nøkrum vikum síðani. Nú er Smyril aftur í sigling um Suðuroyarfjørð, eftir at hava verið í dokk, og ferðasambandið tískil regluligari, og nú verður roynt at fáa sálmasang úr Suðuroynni í savn Kringvarpsins.
