Kølin luft streymar sum frá líður inn yvir Føroyar av norðri og landnyrðingi. Seinni fer lýggjari luft aftur at streyma inn yvir Føroyar av vestri.
Mikudagin øtlar hann vindin upp í skrið av landnyrðingi, 13 til 18 m/s. Yvirhøvur skýggjað og ælaveður og hitin millum 4 og 7 stig. Hósnáttina makar hann vindin niður í stívt andøvsgul upp í strúk í vindi og hann snarar í ein norðan, 10 til 13 m/s. Samdrigið og ælaveður, sum frá líður møguliga vátasletting ella vátakavi. Hitin millum frostmarkið og fimm hitastig.
Hósdagin verður stívt andøvsgul upp í strúk í vindi av landnyrðingi, 10 til 13 m/s, seinni gul til stívt andøvsgul av norðri, 5 til 10 m/s. Sólglottar og okkurt vátaslettings- ella kavaæl. Hitin millum 1 og 4 stig, um náttina millum 5 kuldastig og 2 hitastig.
Fríggjadagin verður stívt andøvsgul upp í hvassan vind av norðri, 8 til 13 m/s, eitt bil upp í hvassan vind, 15 m/s, um náttina makar hann vindin niður í gul til stívt andøvsgul av útnyrðingi, 5 til 10 m/s. Skýggjað og kavaæl. Hitin frá frostmarkinum upp í 3 stig, um náttina millum 3 kuldastig og 2 hitastig.
Leygardagin verður gul til stívt andøvsgul av vestri og útnyrðingi, 5 til 10 m/s. Samdrigið og kava- ella vátaslettingur, men sum frá líður yvirhøvur turt. Hitin millum 2 og 5 stig.
Sunnudagin verður andøvsgul upp í ein strúk av vindi av vestri og útsynningi, 8 til 13 m/s, um náttina upp í hvassan vind av vestri og útnyrðingi, 10 til 15 m/s. Yvirhøvur turt og sólglottar. Hitin millum 5 og 8 stig.
Mánadagin verður andøvsgul upp í ein strúk av útnyrðingi, 8 til 13 m/s, um náttina lot til andøvsgul av eystri, 3 til 8 m/s. Yvirhøvur skýggjað og turt, um náttina regn ella vátaslettingur av vestri. Hitin millum 3 og 7 stig.
