Í morgin verður punktum sett fyri kvinnukappingini í 2021. Tá vera allir fýra dystirnir í 21. og síðsta umfari.
Tað er greitt, at KÍ hevur vunnið FM. Tað er eisini greitt, at AB/B71 endar aftast, og tað er eisini greitt, at 07 Vestur endar næstaftast, men tað er eingin niðurflyting.
Spenningurin snýr seg um, um tað verður EBS/Skála ella NSÍ, sum fer at vinna silvur, og um tað verður Víkingur ella HB, sum fer at enda á fjórða plássi.
Uppflytararnir í AB/B71 vera gestir í Klaksvík tíðliga seinnapartin. Tað er stórt í Klaksvík, at KÍ hevur vunnið FM fyri triðju ferð á rað, og tað er stórt, at tað er møguleiki fyri, at meistaraheitið verður handað sigursvandu spælarunum, uttan at teir hava tapt. Higartil hevur KÍ vunnið 13 dystir og spælt sjey javnar.
Fyrsta bríksl í Klaksvík verður klokkan 14. Gullkrónurnar og FM steypið verða handað klokkan umleið 16 ella tveir tímar undan fyrsta bríksli millum KÍ og B36. Tað plaga at vera lutfalsliga nógvir áskoðarar, tá ið kvinnurnar í Klaksvík spæla á heimavølli. Tað er góður møguleiki fyri, at áskoðaratalið í seinna hálvleiki í morgin fer at vera serliga stórt.
KÍ – AB/B71: Jonn Sólheim Thomsen kl. 14.00
Víkingur – 07 Vestur: Leivur Zachariassen kl. 15.00
NSÍ – B36: Høgni Madsen kl. 13.30
HB – EBS/Skála: Petur Páll Winther Hentze kl. 13.30
KÍ | 20 | 13 | 7 | 0 | 60 | 13 | 46 |
EBS/Skála | 20 | 12 | 5 | 3 | 41 | 18 | 41 |
NSÍ | 20 | 12 | 3 | 5 | 68 | 28 | 39 |
Víkingur | 20 | 10 | 2 | 8 | 54 | 31 | 32 |
HB | 20 | 9 | 3 | 8 | 50 | 25 | 30 |
B36 | 20 | 8 | 2 | 10 | 36 | 44 | 26 |
07 Vestur | 20 | 4 | 0 | 16 | 22 | 60 | 12 |
AB/B71 | 20 | 1 | 0 | 19 | 10 | 122 | 3 |