Liverpool vann í kvøld 2-0 á Manchester United í fyrru 1/8 finaluni í Europa League. Daniel Sturridge og Roberto Firmino skoraðu málini. Tað fyrra upp á eitt brotsspark, sum tað kundi kjakast um. Memphis Depay steðgaði Nathaniel Clyne á brotssteigarmarkinum og dómarin dømdi brotsspark.
Les eisini:Fýra ítróttarjournalistar tippa
- Brotssparkið er rætt dømt. Hann byrjar at halda í Liverpool spælaranum uttanfyri brotsteigin, men heldur í honum inn í brotsteigin og fellur hann, sigur fyrrverandi toppdómarin, Howard Webb við enskar miðlar.
Liverpool skoraði eitt mál í hvørjum hálvleiki, og helst skuldu teir havt skorað fleiri. David De Gea spældi ein góðan dyst í málinum hjá Manchester United. Returdysturin verður um eina viku.
Aðrastaðni vann Borussia Dortmund heili 3-0 á Tottenham. Marco Reus skoraði tvey av málunum.
Europa League 1/8 finalur:
Basel 0 - 0 Sevilla
Borussia Dortmund 3 - 0 Tottenham Hotspur
Fenerbahce 1 - 0 Braga
Shakhtar Donetsk 3 - 1 Anderlecht
Athletic Bilbao 1 - 0 Valencia
Liverpool 2 - 0 Manchester United
Sparta Prague 1 - 1 Lazio
Villarreal 2 - 0 Bayer Leverkusen
