So gekk tað ikki meira. Serbia var ein ov tungur burður fyri føroysku U-21 hondbóltsleikararnar.
Føroyingar komu ongantíð á odda í dystinum ímóti Serbia í fjórðingsfinaluni í HM í U-21 í Berlin.
Hóast føroyingar vóru aftanfyri við sjey málum tíðliga í seinna hálvleiki, so eydnaðist at koma afturíaftur, og tá fimm minuttir vóru eftir vóru bara tvey mál á muni.
Serbiska liðið er eitt gott lið, og føroyingarnir fingu ongantíð rættilig fatur á teimum. Føroyska liðið var spátt at vera favorittur, men teir fótaðu sær ongantíð í dystinum. Serliga fyrri hálvleikur var lakur, og so var hetta uttan iva ein av teimum gitnu døgunum, har liðið ikki spældi upp á sítt besta.
Málverjin hjá Serbia varð kosin besti leikarin í dystinum, og tað var uttan iva uppiborið, tí hann kláraði seg sera væl.
##med2##
Hóast føroyingar stríddust manniliga, so eydnaðist tað ikki. Tó so, føroyska liði er í topp 8 í heiminum og tað er altso ein dystur um at spæla í hálvfinaluni, sum Føroyar hava tapt.
Næstu dystir eru so um plasering sum heimsins besta lið á plássunum frá 5-8 – og sjálvandi fara teir eftir at gerast fimta besta lið í heiminum.
Føroyar : Elias Ellefsen á Skipagøtu 9, Óli Mittún 5, Rói Ellefsen á Skipagøtu 4, Janus Dam Djurhuus 3, Pauli Mittún 2, Ísak Vedelsbøl 2, Hákun West Av Teigum 1, Sveinur Olafsson 1.
Serbia : Miloš Kos 7, Boško Stanisavljević 7, Mateja Dodić 4, Dušan Šmigić 2, Nikola Zečević 2, Simo Šijan 2, Vukašin Antonijević 2, Branko Predović 2, Luka Rogan 2.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
