Tað gekk akkurát hjá ÍF

ÍF vann í dag 1-0 á heimavølli ímóti Undrið FF. Hálvleiksstøðan var 1-0. Einasta málið varð skorað tíggju minuttir undan steðginum. Tað var við brotssparki, sum Hans Jákup Lervig umsetti til mál.

Sigurin ber við sær, at ÍF eftir fýra umfør og við liðformanninum Karl Løkin á odda hevur fulla úrtøku. ÍF hevur 12 stig, og fuglfirðingar hava longu tikið stórt stig á vegnum ímóti uppflyting og at vinna plássið í bestu deildini aftur, sum ÍF í fjør misti.

Enn er einki mál farið ígjøgnum hjá Tóri Traðará, og ÍF hevur skorað 13 mál.

Avbjóðararnir at flyta upp eru B71, TB og Undrið, sum ávikavíst hava 8, 6 og 4 stig.

Tølini siga, at ÍF var greitt omaná. ÍF hevði 11 hornaspørk, og Undrið vann tvey hornaspørk.

ÍF hevði 12 royndir á og framvið málinum, og Undrið hevði fimm royndir á og framvið málinum.

ÍF hevði seks stórar málmøguleikar, og Undrið FF hevði ein stóran málmøguleika.

Kappingin er framvegis ung, men leygardagin hevur ÍF góðan møguleika at taka stórt stig ímóti bestu deildini, tá ið B71 verður gestur í Fløtugerði.

Uppflytararnir í Undrið FF hava eftir fýra umfør fýra stig. Leygardagin fáa teir vitjan av KÍ, sum er næstfremst við 10 stigum.

ÍF – Undrið FF 1-0 (1-0)

1-0: Hans Jákup Lervig br 34.

Víkingur – 07 Vestur 3-1 (3-1)

1-0: Magnus Heinason 14.

2-0: Magnus Heinason 15.

3-0: Rani Hansen 19.

3-1: Ragnar Weihe br 27.

NSÍ – TB 3-2 (0-0)

1-0: Jóel Jacobsen 67.

2-0: Dávid á Roykheyggi 73.

3-0: Marjus Nón 80.

3-1: Jens Erik Bruhn 85.

3-2: Mikkel Blåholm 95.

HB – KÍ 0-6 (0-2)

0-1: Dávid B. Andreasen 25.

0-2: Jákup N. Vilhelmsen 29.

0-3: Kristoffur Jakobsen 51.

0-4: Dávid B. Andreasen 55.

0-5: Ari Mini Jacobsen 80.

0-6: Jóhan Waag Høgnesen 82.

B36 – B71 0-3 (0-2)

0-1: Tijani Mohammed 27.

0-2: Hans Hentze 35.

0-3: Ágúst Jens Birgisson 84.

Máltindurin

5. umfar

Fríggjdagin 8. apríl

B36 – Víkingur

Leygardagin 9. apríl

ÍF – B71

07 Vestur – TB

Undrið FF – KÍ

HB – NSÍ