Í dag eru bert tvey smærri ísfiskalínuskip til fiskiskap. Bæði eru norðan fyri og fiska tosk og hýsu.
- Vit rokna við, at bæði skipini koma inn at landa fyrst ella miðskeiðis í næstu viku.
Tað vita tey á Fiskamarknaði Føroya at siga í dag.
Meðan lítil roynd er hjá ísfiskalínuskipunum í løtuni, eru flestu frystilínuskip til fiskiskap.
Væntandi er, at onkur ísfiskalínuskip aftrat fara avstað teir næstu dagarnar.
Men, streymurin er harður. Hann batnar, sum næsta vika gongur.
- Veðrið verður hampiligt, og tí verður roknað við, at nakað verður av útróðri.
Á Fiskamarknaði Føroya vita tey at siga, at fiskiskapurin hjá útróðrarbátunum er smáligur.
- Bátarnir, sum rógva út, fáa mest av hýsu, verður lagt aftrat.
