Pauli G. Hansen, liðformaður hjá Skála, gjørdi útjavnandi málið, og hóast ætlanin var at vinna dystin, so fegnaðist hann um, at Skála hóast alt fekk eitt stig burtur úr dystinum.
- Verjan hjá ÍF stóð sera væl, og tað var trupult hjá okkum at spæla okkum til kjansir. Vit høvdu alt spælið, men vit fingu ikki rættiliga ferð á spælið. Vit høvdu tó nóg nógvar kjansir til at vinna dystin, men vit misnýttu tilboðini, sigur Pauli G. Hansen.- Teir fáa eitt keðiligt mál, og sum dysturin nú einaferð lagaði seg, so mugu vit bara verða nøgdir við, at vit fingu javnleik, sigur hann.
