Tað spruttar av lívi í Løkshøll

Tvey umfør í Runavík Open 2017 eru á skrá í Løkshøll ídag. Telvararnir sessaðust longu klokkan níggju. Nú er sjeynda umfar, og klokkan 15 verður farið undir áttanda umfar. Níggjunda og síðsta umfar verður klokkan 14 í morgin.

Í gjár var tað av bestu føroysku telvarunum bara Høgni Egilstoft Nielsen, sum vann fulla úrtøku.

Bestu føroysku telvararnir hava nú telvað í altjóða kappingum í tríggjar vikur á rað, og kanska eru teir farnir at møðast.

Í gjár tapti John Rødgaard við hvítum ímóti GM Deep Sengupta (2587), sum hevur hægsta styrkistalið av øllum í hesi kappingini.

Rógvi Egilstoft Nielsen (2340) tapti við svørtum ímóti íslendinginu Simon Thorhallsson (2059), meðan tað eydnaðist Høgna Egilstoft Nielsen (2354) at vinna við hvítum ímóti WIM Fiona Steil-Antoni (2183).

Sjúrður Thorsteinsson (2190) telvar í morgun við svørtum ímóti IM Yi Xu (2465) úr Kina.

Í sjeynda umfari telvar Høgni Egilstoft Nielsen ímóti umkreinska stórmeistaranum Stanislav Savchenko (2479). Hann vann í fyrsta umfari og hevur síðani telvað remis fimm ferðir á rað.

Í fjør vann íslendingurin IM Guðmundur Kjartansson (2435) Runavík Open. Nú er hann ein av tveimum, sum eru á odda við fimm stigum.

Undan sjeynda umfari sá toppurin soleiðis út:

GM Nikita Maiorov (2521) Hvítarussland 5

IM Guðmundur Kjartansson (2435) Ísland 5

GM Stinath Narayanan (2517) India 4 ½

GM Deep Sengupta (2587) India 4 ½

GM Igor Khenkin (2552) Týskland 4 ½

IM Sarin Nihal (2487) India 4 ½

GM Xu Yinglun (2518) Kina 4 ½

GM Oleg Korneev (2553) Spania 4 ½

GM Mikhail Ulybin (2528) Russland 4 ½

Fremstu føroyingarnir

FM Høgni Egilstoft Nielsen (2354) 4

IM John Rødgaard (2332) 3 ½

Sjúrður Thorsteinsson (2190) 3 ½

6. Runde d. 2017/11/24 kl. 15:00