Í 1995 hendi tað øvugta, at ein maður royndi at koppi eini kvinnu. Tað var, tá Jóannes Eidesgaard bjóðaði Maritu Petersen av til formansvalið í Javnaðarflokkinum. Men tað riggaði ikki. Jóannes Eidesgaard tapti uppgerðina. Hann gjørdist kortini formaður árið eftir, tá Marita Petersen legði frá sær, og Jóannes Eidesgaard var einasta valevni.
Tjóðveldi hevði eisini eina uppgerð, tá Høgni Hoydal koppaði Heina O. Heinesen sum formanni í 1998.
Sjávlstýrisflokkurin hevði eisini eina formansuppgerð í fjør, tá Kári á Rógvi vann formansuppgerðina. Kári P. Højgaard legði kongin, áðrenn landsfundurin tók støðu til uppgerðina.
Um vikuskiftið fer Fólkaflokkurin eftir øllum at døma at taka innstillngina av Jørgeni Niclasen sum formanni til eftirtektar.
