- Alt tekur tíð, og tað gongur spakuliga at fáa bóndur at halda seg til kunngerðina um taðing. Hóast tað eru kommunurnar, sum umsita kunngerðina, fáa vit av og á fráboðanir um óskil.
Tað sigur deildarleiðarin á Umhvørvisstovuni, Suni Petersen.
Hann vísir á, at Umhvørvisstovan ongan mátistokk hevur sum sigur, um ansað verður betri eftir taðing í dag, enn áðrenn kunngerðin um taðing kom í gildið fyri fýra árum síðan.
- Hóast tað eru kommunurnar, sum umsita kunngerðina, fáa vit av og á fráboðanir um óskil, men í slíkum føri vísa vit til kommunurnar.
Suni Petersen vísir á, at tað kanska serliga er í tíðarskeiðnum, tá ikki er loyvt at taða, at fráboðanir koma.
- Eg dugi ikki við vissu at siga, hvørja ávirkan kunngerðin um taðing hevur havt, men eg trúgvi, at tað gongur spakuliga rætta vegin.
Deildarleiðarin á Umhvørvisstovuni sigur, at tá fráboðanir um óskil eru komnar, hava hesar oftast snúð seg um dálking av áum ella vøtnum og sjáldan - fyri ikki at siga ongantíð - um lukt.
