Tað er einki at ivaast í, at tað eru tey útlendsku ferðafólkini um summarið, sum eru tey, sum bera vøksturin.
Tað sigur Johannes Jensen, stjóri í Gist & Vist, sum akkurát hevur havt aðalfund.
Gist & Vist hevur eitt met gott úrslit í fjør, har tey høvdu 8,2 milliónir í inntøku, eftir skatt. Í fjør rindaði Gist & Vist í alt 62 milliónir í lønum og tilsamans høvdu tey 898 fólk í starvi, men í miðal vóru 189 fulltíðarstørv Gist & Vist.
Johannes Jensen sigur, at tey, sum bera vøksturin á gistingarhúsunum, eru fyrst og fremst útlendsk ferðafólk, men á matstovunum eru tað í stóran mun føroyingar, sum stuðla upp undir virksemið, serliga um veturin, tí yngri føroyingar eru farnir at ganga nógv meiri á matstovu enn tey eldru gera.
Men Johannes Jensen heldur kortini, at tað er mark fyri, hvussu nógv ferðafólk tað er pláss fyri í Føroyum og hann heldur eisini at tað er neyðugt, at vit skipa ferðavinnuna betri
Trýst á pílin undir myndina og hoyra hann greiða frá góða úrslitinum hjá Gist & Vist og annars, hvørjar tankar hann hevur um ferðavinnuna.
