Tað er stórur dagur í fótbóltinum heima á landi ídag. Á páskum var stórkavi. Tí var ikki hugsningur um at spæla fótbólt, og fjórða umfar, sum var sett á skrá at vera 2. páskadag, varð útsett til í kvøld.
Fyrsta bríksl verður við Stórá í Trongisvági klokkan 16, har B36 er gestur hjá TB. Fyrsta bríksl í hinum fýra dystunum er sett at vera klokkan 19.
Støðutalvan sigur, at nú eru tey fimm í ovaru hálvu, sum síðstu árini hava verið har. Í kvøld vera tvær innanhýsis uppgerðir millum hesi liðini – KÍ – HB og NSÍ – Víkingur.
Hetta er triðja ferðin í ár, at tað eru tvær uppgerðir millum hesi feløgini. Í 2. umfari vóru úrslitini KÍ – NSÍ 2-0 og HB – B36 0-0. Í 5. umfari vóru úrslitini Víkingur – KÍ 1-2 og NSÍ – B36 4-2.
Tað verður sagt frá hampuligum líkindum at spæla fótbólt. Hann verður eystan seinnapartin og landnyrðingur í kvøld, og vindferðin verður 5 – 6 metrar um sekundið. Seinnapartin vera onkrir ælingar og í kvøld verður tað turt. Tað ræður um at vera væl ílatin, tí tað verður kalt. Í kvøld vera tað umleið trý hitastig.
KÍ – HB: Jóhan Hendrik Ellefsen kl. 19.00
NSÍ – Víkingur: Eiler Rasmussen kl. 19.00
B68 – ÍF: Dagfinn Forná kl. 19.00
07 Vestur – EB/Streymur: Kári J. á Høvdanum kl. 19.00
TB – B36: Rani A. Skaalum kl. 16.00
| KÍ | 6 | 6 | 0 | 0 | 20 | 2 | 18 |
| HB | 6 | 4 | 1 | 1 | 23 | 5 | 13 |
| NSÍ | 6 | 4 | 0 | 2 | 14 | 10 | 12 |
| Víkingur | 6 | 3 | 2 | 1 | 9 | 6 | 11 |
| B36 | 6 | 2 | 3 | 1 | 7 | 6 | 9 |
| ÍF | 6 | 2 | 1 | 3 | 9 | 16 | 7 |
| 07 Vestur | 6 | 2 | 0 | 4 | 10 | 20 | 6 |
| EB/Streymur | 6 | 1 | 2 | 3 | 5 | 11 | 5 |
| B68 | 6 | 0 | 2 | 4 | 7 | 14 | 2 |
| TB | 6 | 0 | 1 | 5 | 5 | 19 | 1 |
