Men hvussu er og ikki, so greiddi hann frá, hvussu hann kom upp í praktiskan sambandspolitikk í sínum ungum árum:
»Tað var á VBV (studentaskúlin, red). Har var ein serdeilis ivrigur sambandsmaður, sum æt Zacharias Wang. Hann spurdi meg, um vit báðir ikki skuldu taka ein politiskan fund saman við øðrum. Eg hevði ongantíð upptraðkað fyrr, so eg vildi, at vit fyrireikaðu okkum væl. Vit fóru oman til Georg L. Samuelsen, hann gav okkum krút. Vit hirdu á, og eg trúgvi ikki, at Sambandsflokkurin nakrantíð hevur fingið so stórt stemmulutfall, sum tað kvøldið...«
Soleiðis segði Pauli Ellefsen. Vit kunnu bara staðfesta orðini hjá Jens Otto Krag, at »man har et standpunkt, til man ta’r et nyt«.
