Tey vóru øll so fegin í gjár, og Høgni Hoydal fegnaðist í sjónvarpinum um søguliga semju um makrelin, tí ein samd nevnd uttan um Fólkaflokkin og Poul Michelsen sigur, at Jacob Vestergaard skal selja 60.000 tons av teimum 150.000 tonsunum til hægstbjóðandi.
– Endiliga hava vit fingið sett hol á málið um eina tilfeingisbúð, og endiliga fáa vit lumpað eitt tilfeingisgjald ígjøgnum uttan um Fólkaflokkin.
Men gloymið alt um hatta. So frægur stirðil er ikki í løgtinginum, at tey fara at taka eitt so stórt stig uttan um flokkin, sum stýrir fiskivinnuni. Tjóðveldi, Sambandsflokkurin og Javnaðarflokkurin tora ikki at leggja á annan bógv, enn fólkafloksbógvin, og harvið verður tað. Fólkaflokkurin ræður eina í fiskivinnumálinum. Fólkaflokkurin handlar, hini bara snakka...
