Á býráðsfundi klokkan fimm í dag skipaði nývalda býráðið í Tórshavnar seg við Heðini Mortensen sum borgarstjóra og Boga Andreasen sum varaborgarstjóra Teir høvdu telvað seg fram til eitt úrslit, samgonguflokkarnir í Tórshavnar býráð, tá fundur varð settur klokkan 5 í dag í býráðssalinum
Sum sitandi borgarstjóri setti Heðin Mortensen fundin, og bað síðani um uppskot til borgarstjóra fyri komandi fýra árini. Marin Kathrina Frýdal skjeyt Heðin Mortensen upp, sum varð valdur uttan avkøðugreiðslu.
Síðani vórðu 1. og 2. vara borgarstjóri valdir, og tað gjørdust ávikavist Bogi Andreasen og Sjúrður Olsen.
Eftir hetta vórðu nevndirnar valdar, og skulu nevnast føstu limirnir í ymsu nevndunum:
Fíggjarnevnd: Borgarstjórin føddur formaður, Marin Kathrina Frýdal, Jógvan Arge, Elin Lindenskov, Sjúrður Olsen
Sosiala nevnd: Halla Samuelsen, Marin Kathrina Frýdal, Bogi Andreasen, Levi Mørk, Vagnur Johannesen
Mentanarnevndin: Jógvan Arge, Maria Hammer Olsen, Jákup Símun Simonsen, Halla Samuelsen, Anfinn Brekkstein
Tekniska nevnd: Marin Kathrina Frýdal, Levi Mørk, Jákup Símun Simonsen, Halla Samuelsen, Sjúrður Olsen
Byggi- og býarskipanarnevndin: Bogi Andreasen, Elin Lindenskov, Jógvan Arge, Levi Mørk, Jan Christiansen
Heilsu- og umhvørvisnevndin: Elin Lindenskov, Marin Kathrina Frýdal, Bogi Andreasen, Maria Hammer Olsen, Jac Christiansen
Havnanevndin: Jákup Símun Simonsen, Maria Hammer Olsen, Jógvan Arge, Levi Mørk, Vagnur Johannesen
Umframt hetta vórðu nakrar smærri nevndir eisini valdar. Sum SEV-umboð varð Marin Kathrina Frýdal vald.
Meir um nevndirnar og samgonguskjalið millum Javnaðarflokkin og Tjóðveldi í Sosialinum í morgin.
