Allan fríggjadagin og um vikuskiftið hava tær báðar, Thurid og Margit, og ein rúgva av øðrum starvsfólkum á Almannastovuni, arbeitt við at flyta niðan í nýggju hølini á Smyrilsvegi.
Tað eru altíð ein hópur av skjølum og tílíkum, sum skal við, tá ein soleiðis flytur við - og fyri - ein slíkan stovn sum Almannastovuna. Men hóast alt hetta fyllir nógv í vavi, og alt skal setast uppá sítt rætta pláss aftur, so var virksemið á stovninum fult í gongd aftur fyrrapartin í gjár.
Tað er tó kortini ikki alt virksemið á Almannastovuni sum er flutt í bygningin, har Brunatryggingin helt til í síni tíð. Umsitingin er flutt hagar, saman við stjóranum Petru J. Joensen. Somuleiðis eru tvær av deildunum fluttar niðan í nýggju hølini.
Íalt eru 49 fólk nú til arbeiðis í Almannastovuni á Smyrilsvegi.
mynd?
Thurid og Margit arbeiddu seinnapartin fríggjadagin við fáa øll tey mongu skjølini hjá Almannastovuni uppá pláss, soleiðis at latast kundi uppaftur í nýggju hølunum fyrrapartin í gjár
Mynd: Jens Kr. Vang
