Miðlahúsið fer aftur í ár at finna tey bestu í føroyskum tónleiki farna árið.
Seks Planetir skulu latast føroyskum tónleiki. Heiðurslønir verða lætnar til besta bólk/einstakling, besta sangara, bestu songkvinnu, bestu fløgu, besta sang og besta nýggja bólk.
Eisini verður eitt serligt Planet herðaklapp latið til onkran, sum avrikið nakað serligt í føroyskum tónleiki.
Sum nakað nýtt verða eisini heiðurslønir lætnar fyri bestu føroysku YouTube video og bestu føroysku tónleikamyndina. Kappingin um bestu tónleikamyndina frá 2010 er fyri øll, og fólk eru vælkomin at senda myndir til og øll kunnu senda myndir inn. Myndir kunnu sendast til planet@ras2.fo – vinnarin fær 5000 krónur í vinningi.
Live framførslur
Planet Awards bjóðar eisini stóra gallaveitslu eftir handaninar, og nógvir live-tónleikur verður eisini at hoyra kvøldið. Higartil er kunngjørt, at ársins bólkur á Planet Awards í fjør, Páll Finnur Páll, fer at spæla live, eisini Anna Faroe, stóra føroyska navnið í Danmark farna árið, fer at framføra, og teir tríggir Filip Mortensen, Petur Háberg og Uni Debes fara eisini at spæla. Onnur fara eisini hava live-framførslur – millum annað fara nakrir av bestu trubadurunum í Føroyum fara at spæla í niðaru hæddini á Deep.
Atgongumerki til Planet Awards 2010 kunnu keypast í Miðlahúsinum og í Baresso.
Rás2 sendir beinleiðis frá Planet Awards frá kl. 21.00 mikukvøldið 29. desember.
Myndatekstur:
Guðrið Hansdóttir var ein av virknu songkvinnunum í Føroyum
