Tá Bond líkist einum dukkufreti

Jason Bourne er um nakað enn meira fantastiskur enn James Bond. Harðari, kaldari, dugnaligari og ikki minst munandi meira spennandi

Anna V. Ellingsgaard

21.12.2009 (12:25)

<style type="text/css">  </style>   <o:p> </o:p> Bókmentir Jákup Mørk jakup@sosialurin.fo</a> <o:p> </o:p> Jason Bourne, sum í veruleikanum er David Webb, var upprunaliga ein amerikanskur offiserur í Fjareysturi. Hann virkaði sum serfrøðingur hjá amerikanska herinum í Phnom Penh, høvuðsstaðnum í Cambodia, og saman við Dao og børnunum, Joshua og Alyssa hevði hann bygt sína tilveru. Alt broyttist tó, tá ein vietnamesiskur pilotur skeyt Dao og børnini. Webb gjørdist frá sær sjálvum, og skjótt var hann Delta One, limur í Medusa, sum var loyniliga herdeildini hjá USA. Ein herdeild, sum uttan fyrilit snigmyrdi, rændi og saboteraði fyri amerikonsk áhugamál handan fíggindans verjugarðar. Tann veruligi Jason Charles Bourne var eisini partur av Medusa, men tá hann tann 25. mars í 1968 varð avdúkaður sum dupultagentur, meðan hann uppgav støðuna hjá herdeildini til fíggindan, varð hann skotin á staðnum av Delta One – alias David Webb. Tað var CIA-ovastin, Alex Conklin, sum skapti Delta One úr sálarligu restunum av David Webb, og tað var eisini hann, sum síðani brúkti Delta One til at jagstra Ilich Ramírez Sánchez. Heimsins vandamesta leigudrápsmann, ið eisini var kendur sum Sjakalurin. Samleikin hjá Jason Bourne varð endurskaptur. Delta leyp ein bókstav aftur í alfabetinum. Gjørdist til Cain við C sum í Carlos, og gjøgnum fleiri ár varð Bourne – alias Cain - tilvitað settur í samband við morð á navnframar persónar. Endamálið var at bjóða Carlos av og hótta hansara støðu sum fremsti leigudrápsmaðurin og harvið eisini raka hansara ego. Ætlanin miseydnaðist, tá Cain verður skotin umborð á einum skipi í Miðjarahavinum. Uttan vit verður CIA-skapti leigudrápsmaðurin skolaður upp á land í eini portugisiskari oyggj, og ein drukkin bretskur lækni bjargar lívi hansara. Minnið er tó burtur, og Bourne stríðist fyri finna samleika sín. Á vegnum finnir hann sína Mariu, umframt at hann eisini finnur aftur til Alex Conklin – eftir at teir báðir hava roynt at myrt hvønnannan. The Bourne Identity skapti eina legendu innan krimi-heimin. Bókin gjørdist enntá nummar tvey, tá Publishers Weekly skuldi kjósa bestu “Spy-novel” nakrantíð. <o:p> </o:p> The Betrayal - Svikið Bourne hevur tó ferðast víða síðani tá. Undir følskum fortreytum varð hann lokkaður til Hong Kong, tá amerikanska stjórnin ikki sá sær aðrar útvegir. Hann hevur gjørt enda á Carlos, tá ego’ið hjá hesum ikki longur toldi, at spurnartekin vórðu sett við, hvør var tann størsti. Og hann fann aftur til son sín, Joshua, sum hóast alt ikki var deyður, tá vietnamesiski jagara-piloturin á sinni fleyg yvir Phnom Penh. Á vegnum misti hann Alex Conklin og Mo Panov – sálarfrøðingin, sum hevur hjálpt honum so nógv í dystinum móti minnismissi <o:p></o:p> Nú er Maria eisini deyð, og tað er um at koyra Webb av sálarligu eggini. Martin Lindros er nú einasti vinur hansara, og tá hann verður burturfluttur av arabiskum yvirgangsmonnum, fer Bourne sjálvandi avstað í eini seinastu bjargingarroynd. Royndin eydnast, men samstundis stendur greitt, at heimurin nú stendur fyri eini yvirgangsatsókn, har amerikanskir býir eru mál fyri kjarnorkuvápnum. Onkursvegna hongur hendan tó saman við svikaliga minninum hjá Bourne. Hendingar, sum hann framvegis ikki minnist, stýra nógvum av tí, sum fer fram. Og onkursvegna vita yvirgangsmenninar alla tíðina, hvat Bourne hevur í hyggju at gera. <o:p> </o:p> Yngdur Bourne Jú. Við Eric Van Lustbader hevur Jason Bourne av sonnum fingið eitt nýtt lív. Aldur er ikki longur nakað, sum tosað verður um, og vit lesa ikki longur um ein Bourne, sum gremur seg um aldurin, gráu hárini og slitnu limirnar. Bourne er nú bara ein agentur, hvørs avrik støðugt eru í toppi. Kronologiskt leypir ketan eitt sindur av, tá ein partur av hendingini fer fram undan minnismissi hansara. Og tí skuldu bæði Bourne og Sooraya Moore, sum er makkari hansara í bókini, verið farin um tey seksti, men í aðrar mátar einki, sum bendir á ein agent, sum er farin at nærkast pensiónsaldrinum. Action-parturin hjá Lustbader er fult á hædd við tann hjá Ludlum, og í sjálvum sær ger hetta bókina til agent-lesna í hægsta potensi. Hartil krevur bókin á ongan hátt, at lesarin hevur verið ígjøgnum hinar fýra Bourne-bøkurnar. Nakað, ið mest sum var ein fortreyt, skuldi lesarin veruliga fáa alla søgugongdina við í teimum. Hinvegin er plottið ikki heilt so nær óhugnaligu samansvørjingunum, sum Ludlum meistraði betur enn nakar. Og í so máta er Betrayal heldur ikki heilt á sama støði, sum Legacy. Er tað samansvørjingar og ein ófrættakend heimsfatan, sum lesarin vil hava, er helst meira endamál í at lesa tær báðar bøkurnar um mataresararnar umaftur. Bourne-fjepparar kunnu tó frøast um, at í Lustbader hevur Ludlum fingið ein produktivan arvtakara. Bourne Sanction og Deception eru longu sendar á marknaðin - tó at tær enn ikki eru umsettar til danskt - og longu komandi ár kunnu vit rokna við fimtu bókini frá Lustbader um Bourne. Agentin, sum fær James Bond at líkjast einum dukkufreti. <o:p> </o:p>

Tá Bond líkist einum dukkufreti

Mest lisið

Myndir: B68 vann móti B36

Myndir: Javnleikur í Gundadali

Kalvin vigaði 200 pund

Brek á høvuðsmotori á Smyrli

Til arbeiðis: Skuldi venja seg við arbeiðið á virkinum

VIDEO: Niðurlond vunnu U17 EM finaluna á Tórsvølli

Wisla Plock misti sigurin í yvirtíðini

Myndir: EM-finala á Tórsvølli

Hátíðarhald fyri Rescue Lív

CNN: Langa marran hjá Danmark í Eurovision er liðug