Í dag kemur fyrsta bókaútgávan frá rappbólkinum Swangah.
Talan er um eitt listaligt yrkingarsavn í innbundnum hardcover-formati á 78 síður, sum inniheldur allar 13 sangtekstirnar á fyrstu fløguni Belials Synir.
13 føroysk listafólk hava prýtt bókina við síni egnu tulking av kendu sangtekstunum, og opna tí upp fyri einari nýggjari og øðrvísi uppliving av tekstunum.
Her ímillum Frá Bygd Til Bý, Millumfingurrapp, Gentan Er Farlig, Á Kantinum og fleiri.
Listafólkini eru:
Bárður Oskarsson
Bárður Dal Christiansen
Bjørk J. Tróndheim
Høgni J. Mohr
Charlotta Ingolfsdóttir
Laura Gunnváardóttir
Elian Jónsson
Allan Korsager Davidsen
Kjartan Magnussen
Bárður Fríi Mikladal
Jan Nystrøm
/TRÖDL/
Edward Fuglø
Bókin inniheldur eisini fleiri vitnisburðir, har føroyingar hugleiða um Swangah, umframt myndir frá seinastu 10 árunum.
Høvundar eru Steen Rói Lorenzen, Ragnar Davidsen, Cren og Bjartur René Nielsen. Lagt til rættis hevur Eyðun Müller Thomsen.
Einans 367 bøkur eru prentaðar, og tær eru allar persónliga talmerktar og signeraðar av Swangah og fáast í bókasølum kring landið.
