Tað verður klokkan 15.55, at Sverri Sandberg Nielsen úr Miðvági fer at kappast í hálvfinaluni í HM í rógving, sum í hesum døgum er í Florida.
Fyrri riðilin rør klokkan 15.45, og seinni riðilin, har Sverri S. Nielsen er ein av seks luttakarum, kappast klokkan 15.55.
Tað eru seks luttakarar í hvørjum riðlinum, og tríggir teir bestu kvalifisera seg at rógva í finaluni, sum verður sunnudagin.
Sverri S. Nielsen fer at rógva á geil seks. Hinir luttakararnir eru úr Serbia, Kroatia, Russlandi, Týsklandi og Bretlandi.
