Italia vann dystin 2-1. Claudio Marchisio og Mario Balotelli skoraðu málini fyri Italia, meðan Daniel Sturridge skoraði málið fyri Ongland.
Ongaln byrjaði við Raheem Sterling og Danny Welbeck á vøllinum, meðan Adam Lallana og Ross Barkley byrjaðu á bonkinum. Fyri Italia bleiv Gianluigi Buffon, royndi málverjin, ikki klárur til dystin.
Les eisini: HVør vinnur HM? Tín meining
Fyrsta málið kom tíggju minuttir fyri hálvleik, tá italsk samanspæl førdi til eitt skot frá Claudio Marchisio. Hóast skotið var uttanfyri brotsteigin, so endaði bólturin í málinum. Bara tveir minuttir seinni javnaði Daniel Sturridge, tá hann setti fótin á eitt innlegg frá Wayne Rooney.
Super Mario avgjørdi
Nógvi hitin í Brasil gjørdi sítt til, at lítið av ferð var á seinna hálvleiki. Tað kom bara tað eina málið í seinna hálvleiki, tá Mario Balotelli stútaði eitt innlegg í mál við aftari stong.
Les eisini: 10 spælarar at halda eyga við
Ongland royndi at trýsta Italia, men tað bleiv sjáldan vandamiklari enn okkurt hissini skot uttanfyri brotsteigin. Bæði Ross Barkley og Adam Lallana komu á vøllin, men einki hjálpti.
Ongland og Uruguay møtast um fýra dagar. Tá verður helst talan um, at tað liðið sum vinnur kemur víðari – tó uttan at avskriva Kosta Rika, sum vann á Uruguay fyrr í kvøld.
Ongland – Italia 1-2 (1-1)
0-1 Claudio Marchisio, 35
1-1 Daniel Sturridge, 39
1-2 Mario Balotelli, 50
Bólkur D:
1. Kosta Rika 3(Stig)
2. Italia 3
3. Ongland 0
4. Uruguay 0
