Tvis køkshandlarnir, sum Bygma Balslev umboðar í Føroyum, hava í januar skipað fyri eini kapping, har vinningurin er ein køkur fyri 50.000 krónur.
Kappingin var í øllum Tvishandlum í norðanlondum. Fyri at taka lut í kappingini, skuldi kundin inn í ein tvishandil og lata eina matuppskrift. Hetta gjørdi Suni Magnussen, og uppskrift hansara varð við lutakasti vinnarin.
Tvey fegin fólk, Suni og konan Hella, siga, at hettar passaði sum fótur í hosu, tí tey eru júst í ferð við at byggja nýggj hús á Hvítanesi, og har skulu tey sjálvandi brúka ein køk, og tey høvdu gott eyga á Tvis-køkunum.
– Sera nógvar uppskriftir komu inn í Føroyum, og vit gleðast um, at at ein føroyingur gjørdist vinnari, siga tey hjá Bygma Balsev í Hoyvík.
