FERÐSLA
Ferðslutrygd www.info.rff.fo
Tórshavnar Kommuna hevur gjørt ymiskt seinastu tvey árini við Sundsvegin, sum fólk kæra seg nógv um framvegis. Tveir nýggir gonguteigar á horninum millum Ringvegin og Sundsvegin við gonguteigaljósum og skeltum eru komnir.
Harafturat er Sundsvegurin og gongubreytin asfalterað. Marius Müller, tekniskur stjóri hjá kommununi, sigur, at fyri at bøta um ferðslutrýstið á Sundsvegnum, hevur kommunan ætlanir um at føra Sundsvegin oman í verandi rundkoyring við endan á R.C.Effersøesgøtu. Eisini er ætlanin at gera ein veg úr Sundsvegnum yvir í Villingardalsvegin og eina rundkoyring við Sundsvegin/Óluvugøtu. Hesi arbeiði verða væntandi gjørd samstundis, sum Berjabrekka 3-ætlanin verður framd, sum m.a. umfatar bygging av uml. 120 íbúðm.
