Talan var um fína kapping, men tað tørnaði soleiðis út, sum tað gjørdi á vánni í Klaksvík.
Tvørabáturin legði bragdliga fyri, og tá ið bátarnir fóru um túsund metra málið, var Tvørabáturin framvegis á odda.
Men so tóku sundamenn orduliga á. Tá ið hálvur teinurin var rógvin, var Sundabáturin fremstur, og fjarstøðan aftur til Tvørabátin øktist til hálva bátslongd.
Í endaspurtinum bjóðaði Tvørabáturin av. Munurin minkaði, men ikki so nógv, at tað nakrantíð gjørdist nakar ivi um, hvør tað var, sum var fyrstur á mál. Tá ið skotini geltu, var munurin ein stórur skutur ella lítil hálv bátslongd. Eingin av hinum bátunum megnaði at blanda seg í kappingina um tey fremstu plássini.
1 Sundabáturin 07:50.04
2 Tvørabáturin 07:51.11
3 Gongurólvur 07:58.14
4 Riddarin 07:59.21
5 Rádni 08:06.10
6 Lómur 08:10.06
7 Jarnbardur 08:25.00
8 Víkingur 08:30.00
1 Sundabáturin 14
2 Tvørabáturin 12
3 Riddarin 9
4 Gongurólvur 9
5 Lómur 5
6 Rádni 5
7 Jarnbardur 2
8 Víkingur 0
