Miðlahúsið hevur valt at dekka hesar fundir, sum vit hava verið boðin við til hjá teimum størru flokkunum. Fyrst var tað Sambandsflokkurin, síðani Tjóðveldi, og nú Javnaðarflokkurin.
Men tað hevur undrað okkum, at vit hava sitið sum einasti føroyski fjølmiðil á hesum fundum. Tað átti í øllum førum at verið partur av public service skylduni hjá Kringvarpinum at dekka hesar fundur, so fólkið kann frætta, hvat rørir seg í baklandinum hjá flokkunum.
Men nú Javnaðarflokkurin var á skránni, var øðrvísi – nú var Kringvarpið á blettinum við frásøgnum í øllum tíðindasendingunum um vikuskiftið.
Nú skulu vit ikki leggja okkum út í redaktionellar avgerðir hjá Kringvaprinum. Men mangan hoyra vit politikarar tosa um tendentiøsan journalistikk í Kringvarpinum – og hesar fordómar kyndir Kringvarpið undir við ikki at geva øllum flokkum somu viðferð.
