Nú skal tað verða næstan ólógligt at koyra við summardekkum um veturin.
Kári P. Højgaard, landsstýrismaður, fer nú at seta eina kunngerð í gildi, ið, sum heild ger tað ólógligt at koyra við summardekkum frá 1. desember til 30. apríl.
Í hesum tíðarskeiði er bara loyvt at koyra við summardekkum, tá ið bilurin hevur ketur, tá ið tað er hált.
Annars verður framvegis loyvt at koyra við píkadekkum frá 15. oktober til 1. mai.
Men treytin er, at bilurin, ella motorsúkklan, hevur píkadekk á øllum hjólunum. Men hevur bilurin tvíburðahjól, er bara neyðugt at hava píkar á øðrum hjólinum.
Kunngerðin kemur í gildi 1. oktober.
