Sólmundur Joensen
----------
Stóð har einsamallur
stríðsfúsi blóðreyði
nærhendis
harðmæltur greiður frá
fleiri hundrað fátæk børn
í hesum vakra landi
í landsuðuri
fleiri túsund fátækrabørn
millum tær fínu glæstrimyndirnar
heimleys í túsundatali
verða kallað vælferðarsamfeløg
bert fyri tey vælbjargaðu
tann kúgandi stættin
niðurbindur tað
kúgaðu fjøldina
við ósannindum
stættastríðið er av
greiður
tað borgarliga harkaliðið frá
nei sanniliga er stættastríðið ikki av
nústani byrjað av álvara
arbeiðarafjøldin niðurbundin
leinkjað í kapitalismunnar
oyðandi sjálvgóðsku
og privatiserings ørsku
trælir í egnum húsum
- frælsishugsjónin doyr -
ófrælsir
sleppa ongan veg
leinkjurnar níva og naga
skríggjandi pína og einsemi
meðan kapitalistisku ørindasveinarnir
yvirstættin á ferð
hagar
luksusdýrini savnast
saman við fínarimpunum
snákunum drekka vín
og flenna ein býttisligan látur
kapitalistiska skipanin
sprænur eitur kring allan heimin
vesturheimurin
tey vælbjargaðu
geva við aðrari hondini
taka fleiri túsund aftur
við hinari
kapitalismunnar trælaok
tyngir arbeiðarafjøldina niður
bæði til likams og sálar
gerast líkasæl
tænarar vorðnir yvirstætt
traðka niður á okkum
verkafólk arbeiðarastættin
draga til sín spekulantarnar
og fóðra teir væl og virðiliga
í stríðum streymi
alskyns marglæti
smábørn gráta, svølta, syrgja og pínast
hokna niður av arbeiði
fyri tann vælgødda vesturheimin
rægammarnir tevja altíð profitt
lata seg í margfaldu
spekulantahamar
jú sanniliga hevur marglætisgudurin
jól og góðar dagar
sum eitrandi soppar
kring alt landi
leinkjað arbeiðarastættin í øldir
meðan tann kúgaða fjøldin
verður eitrað
tilfeingið tikið frá henni
stendur eftir á berum
hvar er sosialisman
javnaður, brøðralag og frælsi?
hava tit tveitt hugsjónina
niður í grugguta borgarliga leypin?
vit
arbeiðarafjøldin verkamannastættin
fáa ikki eyga á hugsjónina
og so als ikki í verki
vær vónum at teir veruligu
socialistarnir
sleppa framat
og taka stýrisvøl í hond
og seta kós og sigla innar
í sosialismunnar
heiðurskrýnda land!
Vær viljum sigrað!!
Sólmundur Joensen
