Nógvir týskarar eru í øðini um, at bretska bløðini The Sun og Daily Sport hava prentað nakrar myndir av týska kanslaranum, Angela Merkel, í svimjidrakt. The Sun leggur serliga dent á at vísa afturpartin á kanslaranum, sum blaðið lýsir við yvirskriftini Im big in the Bundestag .
Tað er vanligt, at bretsk og týsk bløð gera gjøldur burtur úr ymsum viðurskiftum hjá hvør øðrum, og tey flestu høvdu eisini væntað ein tílíkan dyst, nú Týskland er vertur fyri heimsmeistarakappingini í fótbólti í summar.
Men nógvir týskarar halda tað vera ovboðið, at bretsk bløð gera gjøldur burtur úr afturpartinum hjá kanslaranum, tí tað er at gera seg inn á hennara privata lív, halda teir.
